Cabbarov Ramil Şahin oğlu

e-mail: [email protected]

Mob: (+994 55) 742 1022

03.01.1988 tarixində Qərbi Azərbaycanın (Ermənistan) Zəngibasar rayonunun (Masis) Zəngilər kəndində anadan olmuşam.

2005-ci ildə Bakı şəhəri Nəsimi Rzayev adına 169 saylı orta məktəbi bitirmişəm. 2009-ci ildə Azərbaycan Dövlət Neft Akademiyasının  (indiki Azərbaycan Dövlət Neft və Sənaye Universiteti) bakalavr pilləsini “Marketinq” ixtisası üzrə, 2013-cü ildə Azərbaycan Kooperasiya Universitetinin “İstehsal və xidmət sahələrinin iqtisadiyyatı və idarə edilməsi” ixtisası üzrə magistr pilləsini bitirmişəm. 2015-ci ildən Azərbaycan Dövlət İqtisad Universitetinin dissertantıyam.

29.02.2008-16.02.2009 tarixlərində Azərbaycan Dillər Universitetində reklam üzrə agent; 14.01.2011-26.12.2011 tarixlərində “FNC Motors” MMC-də zəmanət üzrə menecer; Azərbaycan Dövlət İqtisad Universitetində 15.05.2014-01.12.2014 tarixlərində ictimaiyyətlər əlaqələr üzrə mütəxəssis, 01.12.2014-15.09.2015 innovativ kommunikasiyalar üzrə mütəxəssis, 15.09.2015-05.07.2016 “Marketinq” kafedrasının müəllimi, 01.09.2016-19.10.2018 tarixlərində Rektorun köməkçisi, 10.07.2018-29.10.2021 tarixlərində “Biznesin idarə edilməsi” kafedrasında müəllim, 19.10.2018-29.10.2021 tarixlərində Karyera Mərkəzinin direktoru kimi fəaliyyət göstərmişəm. 2016-cı ildən Azərbaycan Dövlət İqtisad Universitetinin Beynəlxalq Magistratura və Doktorantura Mərkəzində “Rəqəmsal marketinq”, “İstehlakçı davranışları”, “Strateji brend menecment”, UNEC Biznes Məktəbinin MBA Proqramında “Beynəlxalq marketinq”, “Strateji marketinq”, “Kreativ sənayedə strateji marketinq”, “Rəqəmsal marketinq strategiyaları”, “Səhiyyənin marketinqi”, UNEC-in SABAH Qruplarında “Marketinq”, “Biznes və reklam” və “Kefiyyətə nəzarət” fənləri üzrə saathesabı müəllim kimi tədris aparmışam. Hazırda “Rəqəmsal marketinq” fənnini Azərbaycan Dövlət İqtisad Universitetinin Beynəlxalq Magistratura və Doktorantura Mərkəzində və UNEC Biznes Məktəbinin MBA Proqramında saathesabı müəllim kimi tədris edirəm.

2016-cı ildə Türkiyənin Sakarya Universitetinin  “Eğitim Araştırma ve Uygulama” Mərkəzi tərəfindən təşkil edilən “Satış və Marketinqin idarəedilməsi” Sertifikat programını uğurla tamamlayaraq, “Uzmanlık” statusu qazanmışam.         

2017 və 2018-ci illərdə Almaniyanın Siegen Universitetində tədqiqatçı kimi proqram iştirakçısı olmuşam.

Türkiyənin  Boğaziçi Universiteti, Sabancı Universiteti, Orta Doğu Texniki Universiteti, Özyeğin Universiteti, Okan Universiteti və Bahçeşehir Universitetlərində müxtəlif zamanlarda marketinq, marketinq araşdırmaları və idarəetmə, brend menecment, reklam, PR, şəxsi inkişaf, stress menecment, startup üzrə kurs və konfranslarda, eləcə də Kanadanın Britaniya Kolumbiya Universitetinin marketinq proqramında iştirak etmişəm.

2008-ci ildən etibarən avtomobil, nəqliyyat, idman, səhiyyə, tədris, ərzaq və qeyri-ərzaq sektorları üzrə 10 şirkətdə marketinq üzrə konsultant fəaliyyəti göstərmişəm. Hazırda 3 şirkət üzrə fəaliyyətim davam edir.

2013-2014-cü illərdə Lider TV-də xarici iqtisadi xəbərlər üzrə ştatdankənar müxbir vəzifəsində çalışmışam.

2017-ci ildə Azərbaycan Respublikası Təhsil Nazirliyi yanında Tələbələr və Gənclər üzrə Daimi Şuranın üzvü seçilmişəm.

2015-2016-cı illlərdə ictimai əsaslarla UNEC-in “Keyfiyyət elçisi”, 2017-ci ildən Gənc Müəllimlər Şurasının üzvü, 2017-ci ilin oktyabr ayından UNEC-in Rəqəmsal Marketinq Mərkəzinə rəhbərlik etmişəm.

2020-ci ilin yanvarından Azərbaycan Gimnastika Federasiyasının marketinq rəhbəri kimi fəaliyyət göstərir.

UNEC-də təşkil edilən TEDxUNEC, Science Slam, UNEC2B kimi bir sıra strateji layihələrin ideya müəllifi və əsas təşkilatçılarından olmuşam.

2015-ci ildə nəşr olunan “Bu günün marketinqi bu günün yazarlarından” kitabında 4 məqaləm dərc edilib. Azərbaycanda nəşr edilən “The Business Times” həftəlik qəzetində köşə yazarı olmuşam. Müxtəlif mənbələrdə strateji marketinq, brend menecment, istehlakçı davranışları, reklamçılıq və digər mövzularda məqalələrim dərc edilib.

Bu günə qədər marketinq mövzusunda Azərbaycan, Türkiyə, Almaniya və Gürcüstanda 400-ə qədər təlim keçmişəm.

2017-ci ildə “Microsoft” tərəfindən “İnnovativ müəllim” sertifikatını qazanmışam.

06.04.2021-ci il tarixində “Facebook” şirkəti tərəfindən rəsmi “PearsonVUE” vendorluğu ilə keçirilən “Facebook Certified Digital Marketing Associate” ekspert imtahanını uğurla tamamlayaraq, “Facebook”un sertifikasiyalı rəqəmsal marketinq mütəxəssisi” olmuşam.

01.05.2021-ci ildə “Google” platformasına aid 6 reklam yayımı istiqaməti üzrə imtahanların hər birindən müvəffəqiyyətlə keçərək, “Google reklamları üzrə sertifikasiyalı professional” (Google Ads Certified Professional) statusuna sahib olmuşam.

09.03.2021-ci il tarixində “Google” şirkətinin rəsmi təhsilverən imtahanını uğurlu keçərək “Google sertifikasiyalı Birinci dərəcəli müəllim” (Google Certified Educator: Level 1) statusu qazanmışam.

Speak.az və Sinaqimtahani.az startaplarının qurucusuyam.

Amerika Marketinq Assosiyasının peşəkarlıq və akademik fəaliyyət üzrə üzvüyəm.

2020-ci ildə Azərbaycan Respublikasının Təhsil Nazirliyi tərəfindən “Azərbaycanda təhsilin inkişafındakı xidmətlərinə görə və səmərəli fəaliyyətlərinə görə”  Fəxri Fərmanına layiq görülmüşəm.

2021-ci ilin noyabrıdan etibarən Azərbaycan Respublikasının Gənclər və İdman Nazirliyində çalışıram.

Şəxsi loqotipi: